EFNISVINNSLA

Efnismarkaðssetning (e. Content Marketing)

Myndataka, ljósmyndari, stíllisti, efnismarkaðssetning Kapall

Við getum hjálpað þér að skipuleggja þig, komið með tillögur að efni og gert þig sýnilegri.

Þú hefur eflaust heyrt talað um mikilvægis góðs innihalds (e.content) þegar kemur að heimasíðunni eða samfélagsmiðlunum. Efni getur verið margskonar t.d. sögur, fróðleikur, myndir, myndbönd, blogg, infographics, leikir eða fyrirlestrar. Með harðnandi samkeppni verða neytendur æ kröfuharðari og þá skiptir máli að mynda samband við þá. Góðu fréttirnar eru þær að í raun sitja allir við sama borð þ.e. fjármagn fyrirtækis skiptir ekki öllu þegar kemur að því að vera skemmtilegur, fræðandi, gagnlegur eða sniðugur á vefsíðunni eða á samfélagsmiðlunum. Slæmu fréttirnar eru þá helst að það er svo sannarlega áskorun að búa til gott efni og halda því gangandi og lifandi. Við hjá Kapli getum hjálpað þér að koma skipulagi á þessa hluti og hjálpað þér að verða sýnilegur.

 

Textagerð fyrir vefsíður

Copywriting text writing, efnisskrif fyrir netið. KapallVið getum aðstoðað þig við að skrifa fyrir netið svo það henti bæði notandanum og leitarvélunum.

Vel unnin texti á vefsíðu hefur mikið að segja fyrir upplifun viðskiptavinarins. Mikilvægt er að hann sé skrifaður með viðskiptavini fyrirtækisins í huga og fyrir leitarvélar. Viðmið leitarvéla í leit að réttu síðunni er sífellt að breytast, til dæmis er upplifun þeirra sem heimsækja síðurnar meira tekin inn í viðmiðin. Þess vegna þarf vefsíðan þín ekki einungis að innihalda leitarorð og leitarfrasa viðskiptavina fyrirtæksins heldur þarf hún einnig að vera aðgengileg og textinn aðlaðandi. Þið þekkið vörur og þjónustu fyrirtækis ykkar og við þekkjum viðmið leitarvéla og höfum því margt fram að færa í textagerðinni.

Sum fyrirtæki hafa falið okkur textagerðina alfarið en nú síðast unnum við texta fyrir nýjan vef Orkuveitunnar þar sem markmiðið var að auka þjónstu á síðunni, draga úr álagi á síma og gera upplýsingar bæði notendavænar og aðgengilegar.

 

Myndir og myndbönd á vefsíðum

Framsetning mynda og myndbanda spilar stóran þátt í upplifun á vefsíðum.

Við vinnum með þriðja aðila þegar kemur að myndatökum, myndvinnslu og myndbandagerð. Þessir þættir eru veigameiri en áður í framsetningu efnis á vefsíðum og hjálpa til við að styrkja ímynd fyrirtækja og gefa viðskiptavinum góða yfirsýn yfir fyrirtækið og starfsemi þess. Það sem hefur breyst á undanförnum árum og mánuðum er að leitarvélar gefa slíku efni meira og meira vægi í leitarniðurstöðum og því þarf að taka tillit til þess í leitarvélabestun. 

Vissir þú hver átti frasann "Content is King" ?

Ekki að það komi á óvart, en þetta sagði Bill Gates árið 1996, þegar Microsoft átti forritabransann, yahoo var leitarvélin sem allir notuðu og google var varla þekkt. 
Síðan 1996 hefur ótrúlega margt breyst nema kannski að innihald frasans á ekki síður við í dag en þá.